معــشــوقة الـقــمــراء


نعم قلبي خذاه اللي علـى خـده وشـم فتـان
سرابه سريـة غيـوم نسيـم الليـل يدعيهـا



تمهـل لا تعاتبنـي تـرا مثلـك انـا أشجـان
أمل وأحلام موجوده بروحي ما أقـدر ألغيهـا



أحب أفرح وأحب أضحك وأحب أعشق أنا إنسان
أحاسيس ومشاعر زى كـل النـاس مخفيهـا



صحيح إني أحـاول أبتعـد وأخبـي الوجـدان
لأن دربي طويل ورحلتـي مـا بـآن تاليهـا



ولكني بشـر بـي نقطـة للضعـف للتحنـان
نعم حبيت مـا خبـي مشاعـر مقتنـع فيهـا



يا غالـي لا تعاتبنـي إذا سجيـت بالنسيـان
سرقني حـب مزيونـه وهوجاسـي حواليهـا



خذتني بالعيون اللي تخلـي أشجـع الشجعـان
جبان إن سلهمت وأرخت رموش الموت كاسيها



نواظر من حسنها من نظرها سبـح الرحمـن
عيون الحور و رمـوشٍ لهـا ظـلٍ بخديهـا



نواظر رمشها شـق الحنايـا شقـة النيشـان
توغـل بالحنايـا وأستقـر بقلـب راعيـهـا



خذتني بالعيون إللي نواظرهـا كفـر وإيمـان
تخلي من كفر يسلـم ومـن يسلـم يراعيهـا



وخذتني بالخدود اللي زهت فيها الورود ألـوان
بياضٍ مع حمارٍ مع سمـار شـوي غاشيهـا



ومبسم وردته حمـرا طـريٍ مرتـوي ريـان
يخلي المرتوي ذابـل ويذبـح مـن يحاكيهـا



وجيدٍ اتلعٍ مـن ناظـره رد النظـر عشقـان
بقـى زينـه بنظراتـه ولـو يغفـي يلاقيهـا




يقولون انها مره تغنـت فـي طـرف بستـان
وإن القمري سمعها واختطف نغمـة أغانيهـا



وصار يغني لحبـي بنغمـة تسبـي الأذهـان
لحـن حالـم بناشيـده بنغمتـهـا يناجيـهـا



ويقولون انها نامت ونسيـت تغلـق البيبـان
بليله بدرها الصافـي نظرهـا وأنفتـن بيهـا



نظرها ثم دنا منها تسلل مـن ورى الحيطـان
وحط بخدهـا الايسـر علامـة حبتـه فيهـا



ويوم انها صحت شافت بخديها الزهر زعـلان
وشافت حبة القمراء مشت للشمـس تشكيهـا



ويوم الشمس شافتها وهي تبكي بكت بأمـزان
بكت دمعٍ حمـر دايـم مـع الغيبـه يغطيهـا



ويقولون انهـا مـرت بعـودٍ شايـبٍ هلكـان
يقولون انها لمسـت علـى صدرهـا بياديهـا



ومن لمسة يديها العود عـوّد مغـرم طربـان
مثـل طفـلٍ بضحكاتـه وبسماتـه يهاديـهـا



حبيبه وصلها جنـه وفرقاهـا جمـر نيـران
تموت الـروح لا قفـت وتحيـا يـوم الاقيهـا



حبيبه عندها وصفي وقف عاجز وقف حيـران
عجز يوصف محاسنها عجز حرفـي يوفيهـا



حبيبـه عندهـا قلبـي تثنـا وانثنـا ولهـان
سرت به سرية غيـومٍ نسيـم الليـل يدعيهـا

للشاعر بدر الحزين ( مانع صالح آل جلاب ...)